Sala de sinaturas

Sala de sinaturas

Galego

Formulario para solicitar o envío de documentos a través da sala de sinaturas. O prezo do servizo será de 10 €. Inclúe:

  • Envío de solicitude certificada administrativa con resguardo e selado de tempo.
  • Certificación administrativa.
  • Trazabilidade de todo o proceso.
  • Código de Verificación Electrónica: o CVE é un conxunto de caracteres que permiten identificar de forma única calquera documento.

Máis información

SALA DE SINATURAS

Este servizo está dirixido exclusivamente a profesionais da avogacía.

SOLICITUDE DO SERVIZO

A continuación indícase o procedemento para a solicitude do servizo de Sala de Sinaturas:

  1. Premer no botón “Solicitar servizo”.
  2. Realizar o pagamento da taxa administrativa de 10 euros (21% IVE incluído) a través da pasarela habilitada na páxina web.
  3. Despois do pagamento, o usuario recibirá no seu enderezo electrónico unha mensaxe cunha ligazón para cubrir o formulario de solicitude. Esta ligazón é única para cada pagamento realizado.
  4. Premer no botón “Acceder” da mensaxe recibida e identificarse mediante certificado electrónico. O DNI asociado ao certificado deberá coincidir co indicado no formulario de pagamento.
  5. Cubrir o formulario de solicitude en liña, envialo e asinar electronicamente o documento xerado para completar o proceso.

A solicitude só quedará completada unha vez asinado o documento e recibida a confirmación correspondente. A partir dese momento, o Consello da Avogacía Galega recibiraa para a súa tramitación.

PRESENTACIÓN

A Sala de Sinaturas é un servizo destinado aos profesionais da avogacía que precisen remitir a outra parte un documento para a súa sinatura garantindo a trazabilidade, seguridade e acreditación da comunicación. Este servizo facilita o desenvolvemento da actividade negociadora contemplada na Lei Orgánica 1/2025, ofrecendo un medio seguro e ordenado para a formalización de acordos extraxudiciais con validez xurídica. A plataforma proporciona un espazo electrónico certificado no que o Consello actúa como terceiro de confianza: recibe o documento, o envía ao destinatario e acredita a súa posta a disposición, preservando a confidencialidade e integridade durante todo o proceso.

CARACTERÍSTICAS E PRINCIPIOS DO SERVIZO

O Servizo da Sala de Sinaturas fundaméntase nos seguintes principios:

  • Seguridade xurídica: remisión do documento mediante sistema de notificación electrónica que garante a validez da comunicación.
  • Trazabilidade completa: acreditación dos momentos de envío, posta a disposición e acceso polo/a destinatario/a.
  • Confidencialidade reforzada: protección do contido do documento e das comunicacións asociadas conforme á normativa de protección de datos e ao deber profesional de confidencialidade.
  • Profesionalidade: servizo reservado en exclusiva aos profesionais da avogacía, rexido pola normativa deontolóxica.
  • Integridade documental: o sistema certifica que o documento remitido non sofre modificacións durante a súa tramitación.
  • Axilidade: presentación sinxela mediante formulario e tramitación inmediata por parte do Consello.

FUNCIONAMENTO DO SERVIZO

O procedemento da Sala de Sinaturas desenvólvese en tres pasos:

  1. Remisión da solicitude: o/a avogado/a cubre o formulario, identifica o documento que desexa enviar e achega o PDF correspondente.
  2. Envío seguro ao/á destinatario/a: o Consello envía a comunicación mediante a plataforma certificada, garantindo a posta a disposición do documento e deixando constancia dos efectos da notificación.
  3. Acreditación: o Consello poderá emitir certificación acreditativa da comunicación así como da posta a disposición e acceso.

VANTAXES DO SERVIZO

  • Comunicación certificada: garante a constancia xurídica da remisión e da posta a disposición do documento.
  • Seguridade técnica: sistema con protocolos avanzados de ciberseguridade e selado temporal.
  • Eficiencia: simplifica o intercambio documental e evita desprazamentos ou remisións postais.
  • Valor probatorio: a certificación emitida polo Consello pode incorporarse a expedientes xudiciais ou extraxudiciais.
  • Integración cos MASC: facilita a formalización de acordos alcanzados na negociación.

GARANTÍAS INSTITUCIONAIS

O servizo ofrece as seguintes garantías:

  • Intervención como terceiro de confianza.
  • Selado temporal cualificado conforme ao Regulamento eIDAS.
  • Confidencialidade e protección de datos reforzada.
  • Cumprimento estrito das normas de deontoloxía profesional.

INFORMACIÓN DE CONTACTO

Para máis información sobre a Sala de Sinaturas pode contactar co Consello da Avogacía Galega: Rúa Federico Tapia, 11, 1ºA, 15005 A Coruña – 981 12 08 84 – https://avogacia.gal/